صحيفة نبض الشعب الاسبوعيه رئيس التحرير جعفر الخابوري

قبل ما تنام عايز اقولك :
اتكلم مع ربنا لحد ماعينك تروح في النوم !

الجملة دي عادية .. بس لما بدأت اطبقها في يومي حسيتها
يعني تتخلي عن فكرة إن الكلام مع ربنا في الصلاة بس
لا ده وانا ماشي وانا قاعد وانا لوحدي .. وانا وسط الناس .. وانا علي سفر
عمال اتكلم مع ربنا جوايا .. بستخيره .. بقوله ناوي اعمل ايه ..بحكيله عن الخطة اللي غيرتها .. بشكيله تصرف ضايقني .. بحكيله الضغوط اللي انا فيها وعلي حاجة مقلق منها ..

بستغفره أول بأول عن ذنوبي وتقصيري.. بدعيه بتفاصيل صغيرة اوي لو حد سمعها هيستغربها

انك تكلم ربك ٢٤ ساعة في ال ٢٤ ساعة وتختم كل مرة كلامك بإنك واثق انه سبحانه سندك الحقيقي وتضحك وتطمن ..ساعتها نسبة الشكوي هتقل ..
هتلاقي نفسك مرتاح والاشارات من ربك هتلاقيها قدامك كتير .. كتير اووي
الحالة دي ممكن نسميها : الاستغناء التام بالله

ودايما دايما اذكروا الله ف كل وقت وحين